تحدث الفنان أحمد زاهر عن ابنته ليلى وحفيدته "إيلا" وكيف غيرت حياتهما.
وقال أحمد زاهر في لقاء مع ET بالعربي: "ليلى أم هايلة طول الوقت مهتمة بيها وخايفة عليها إحساس الأمومة ظاهر جدا أنا مكنتش متوقع دا بس هي فظيعة ربنا يحميهالهم ويخليهالهم هي وهشام".
وأوضح أحمد زاهر أنه حتى الآن لم يتبين حفيدته تشبه من أكثر والدتها أم والدها وقال: "لسه مش باينه كل شوية بتتغير وهما الاتنين زي القمر".
وعن علاقته بحفيدته: " إيلا قمر مغيرالنا حياتنا كلنا، أنا مبحبش كلمة جدو أنا جدو كول، هي أحلى حاجة في الدنيا حاجة جديدة وجميلة شعور مختلف تماما فعلا أعز من الولد ولد الولد".
وكانت الفنانة ليلى أحمد زاهر وزوجها الفنان والمنتج هشام جمال رزقا بطفلتهما الأولى وأعلنا الخبر لجمهورهما.
وقد اختار الثنائي ليلى أحمد زاهر وهشام جمال اسم "إيلا" لابنتهما.
وفي جلسة تصوير لصالح مجلة Vogue Arabia كان الظهور الأول لـ"إيلا" في صورة مع والديها خلال تواجدهما في دبي، وبالطبع أخفيا وجهها.
على جانب آخر، كانت ليلى أحمد زاهر حكت عن لحظة إخبارها لزوجها هشام جمال عن حملها في طفلهما الأول.
وخلال لقائهما في برنامج ABtalks مع أنس بوخش، حكت ليلى أحمد زاهر قائلة: "معرفتش إني حامل وهشام معايا كنت مسافرة كتمت الموضوع شوية لوحدي لحد ما رجعت من السفر، إحساس لما تعرف وأنت وحدك يعني إيه أنا حامل أصلا، فضلت ساكتة عشان كنت عايزة أقول له هو أول واحد كان في مشاعر ملخبطة اتخضيت فضلت أضحك وعايزة أعيط وكان عندي شغل وكنت بتعامل عادي أن مفيش حاجة وكنت تمام لما رجعت الأوتيل فضلت أقول هقوله إزاي عشان تبقى حاجة مختلفة لأنه أول بيبي".
